Sunday, January 24

गर्भमा भएको शिशुमा कोरोना भाइरसको संक्रमण देखिएको दाबी

July 29, 2020 252

भारतस्थित पुणेको ससून जनरल अस्पतालले एक महिलाको गर्भमा रहेको बच्चामा कोरोना भाइरस पुगेको दावी गरेको समाचारमा जनाइएकाे छ ।

पुणेको बीजे मेडिकल कलेज अन्तर्गतको उक्त ससून अस्पतालमा भर्ती भएकी एक गर्भवती महिलालाई डेलिभरी हुनु एक महिना अगाडि रुघा लागेको थियो ।

डेलिभरीपछि जन्मिएकी उक्त बच्चीमा कोरोना भाइरस संक्रमण रहेको पाइएको हो । मेडिकल टर्ममा यसलाई भर्टिकल ट्रान्समिसन भनिन्छ ।

उपचारपछि अहिले दुवै आमा–छोरी स्वस्थ्य रहेका छन् । अस्पतालका अनुसार बच्चालाई प्लेसेन्टाको माध्यमबाट संक्रमण भएको थियो ।

भारतमा भर्टिकल ट्रान्समिसनको पहिलो घटना हो । यदि आमा संक्रमित भए कोरोनाको भाइरस गर्भनालबाट प्लेसेन्टामा पुग्ने गर्छ ।

प्रतिकृया दिनुहोस्