Wednesday, January 20

बलिउडकी अर्की अभिनेत्री पनि कोरोना संक्रमित

July 2, 2020 136

एजेन्सी । भारतमा पछिल्लो समय कोरोना भाइरसको महामारीका कारण भयावह स्थितिमा रहेको छ । पाँच लाखभन्दा बढी व्यक्तिहरु यसको चपेटामा आइसकेका छन् । केही बलिउड कलाकारहरु पनि कोरोना भाइरसको शिकार भइसकेका छन् ।

यस्तैमा भारतीय सिरियल इशकबाजकी अभिनेत्री अदिती गुप्ता पनि कोरोना भाइरसबाट संक्रमित भएकी छन् । उनले आफु बिरामी परेसँगै कोरोना परीक्षण गराएको र रिपोर्ट पोजिटिभ आएको बताएकी हुन् । उनले बलिउडका केही फिल्महरुमा पनि काम गरेकी छन् ।

उनले आफु घरमा नै आइसोलेशनमा बसेको जानकारी दिएकी छन् । मिडिया रिपोर्टका अनुसार उनी ८ दिनदेखि आइसोलेशनमा रहेकी छन् ।

यसअघि पनि ‘ये रिश्ता क्या कहलाता हे’ जस्ता कार्यक्रममा काम गरिसकेकी टिभी नायिका मोहना कुमारी सिंहमा कोरोनाभाइरस संक्रमण पुष्टि भएको थियो ।

उनका श्रीमान् सुयश रावत, ससुरा तथा क्याबिनेट मन्त्री सतपाल महाराज, सासु अमृता रावत, जेठानी आराध्या र उनका पाँच वर्षका छोरा पनि कोरोनाद्वारा संक्रमित भएका थिए ।

मोहनाको घरमा काम गर्ने अन्य १७ कर्मचारीमा कोभिड–१९ परीक्षण पोजेटिभ आएको थियो ।

सबै ऋषिकेशको एम्स अस्पतालमा भर्ना थिए ।

मोहनाले सोसल मिडियामा आफ्नो पीडा बयान गर्दै आएकी थिइन् । अहिले उनको नतिजा नेगेटिभ आएको छ भने उनको भाइ भने कोरोना संक्रमणबाट मुक्त्त हुन सेकेका छैन्न ।

प्रतिकृया दिनुहोस्