Wednesday, October 21

भारतमा काेराेनाका कारण एक दिनमा अहिलेसम्मकै बढी मृत्यु

July 1, 2020 237

भारतमा कोरोना संक्रमणले एक दिनमा अहिलेसम्मकै बढी मृत्यु भएको छ।

भारतीय सञ्चारमाध्यमका अनुसार पछिल्लो २४ घण्टामा कोरोनका कारण भारतमा ५ सय ७ जनाको मृत्यु भएको हो। एक दिनमा भएको यो मृत्यु संख्या अहिलेसम्मकै बढी हो।

यस्तै पछिल्लो २४ घण्टामा भारतमा १८ हजार ६ सय ५३ जना कोरोना संक्रमित भएका छन्।

भारतको केन्द्रीय स्वास्थ्य मन्त्रालयका अनुसार कोरोना कारण देशमा अहिलेसम्म १७ हजार ४ सय जनाको मृत्यु भइसकेको छ।

यस्तै संक्रमितको कूल संख्या ५ लाख ८५ हजार ४ सय ९३ पुगेको छ। जसमध्ये ३ लाख ४७ हजार ९ सय ७९ निको भएका छन् भने २० हजार १ सय १४ जना बिरामी नै छन्।

इन्डियन काउन्सिल अफ मेडिकल रिसर्चका अनुसार कोरोना परीक्षणका लागि मंगलबार २ लाख १७ हजार ९ सय ३१ जनाको नमुना संकलन भएको छ। यस्तै जुन ३० तारिखसम्म भारतका ८६ लाख २६ हजार ५ सय ८५ जनाको कोरोना परीक्षण सम्पन्न भएको छ।

प्रतिकृया दिनुहोस्