Wednesday, November 25

दैलेखमा आइसोलेसन रहेका ६३ कोरोना संक्रमित फरार

June 27, 2020 370

दैलेख, १३ असार- दैलेखको नौमुले गाउँपालिकाको वडा नं। १ मा रहेको भैरव माध्यमिक विद्यालयमा निर्माण गरेको इसोलेसनबाट ६३ जना कोरोना सङ्क्रमित भागेका छन् । आइसोलेसन बसेका कोरोना ९२ जना सङ्क्रमितमध्ये ६३ जना रातारात भागेको स्थानीय प्रशासनले बताएको छ ।

आइसोलेसन अस्पतालमा सङ्क्रमितहरूका लागि खाना पकाउने भान्सेहरूले आफूहरूलाई गाउँपालिकाले सेवा सुविधा नदिएको भन्दै खाना ढिलो पकाएर दिएपछि सङ्क्रमितहरू आइसोलेसन अस्पतालबाट भागेको इलाका प्रहरी कार्यालय नौमुलेले जानकारी दिएको छ ।

इलाका प्रहरी चौकी नौमुलेकै आडमा रहेको भैरव माध्यमिक विद्यालयमा रहेको आइसोलेसन अस्पतालबाट ६३ जना भाग्दासमेत प्रहरीले बिहान मात्र खबर पाएको थियो । नौमुले गाउँपालिका दैलेखका स्वास्थ्य शाखा प्रमुख भूपेन्द्र शाहीले आफू बजार आएको र बिहान मात्र भागेको भन्ने हल्ला सुनेको बताए ।

उनले ९२ जना सङ्क्रमित रहेको आइसोलेसन अस्पतालबाट ६३ जना कोरोना सङ्क्रमित भागेको र अरू त्यही आइसोलेसन अस्पतालमै रहेको जानकारी दिनुभयो । भागेको ६३ जनामध्ये पाँच९सात जना बिहानै आइसोलेसन अस्पतालमै फिर्ता भएको र अन्यको खोजी कार्य भइरहेको जानकारी दिनुभयो । नौमुले इलाका प्रहरी चौकीले समेत त्यसको कमान्ड गर्न नसकेपछि जिल्ला प्रहरी कार्यालय दैलेखका प्रहरी निरीक्षक नैनबहादुर साउदको नेतृत्वमा सुरक्षा टोली पठाएको खबर गोरखापत्रले प्रकाशन गरेको छ

प्रतिकृया दिनुहोस्