Monday, October 26

साउदीको जेद्दाबाट २५३ जना नेपाली लिएर उड्यो नेपाल एयरलाइन्स

June 24, 2020 355

कोरोना भाइरसका कारण समस्यामा परेका नेपालीहरु अहिले धमाधम स्वदेश फर्कीरहेका छन् । आज पनि साउदी अरबको जेद्दा शहरस्थित किङ अब्दुलजिज विमानस्थ बाट २५३ जना नेपाली यात्रु बोकेर नेपाल एयरलाइन्सको उडान न: २१९४ जहाज काठमाण्डौ लागि उडेको छ ।

कोरोना लगायत लामो समय देखी नेपाल फर्कनको लागि नेपाली कन्सुलेट जनरल जेद्दामा जानकारी गराइ वा फाराम भरी नेपाल फर्कन प्रतिक्षा गरेर बसेका जेद्दा र आसपासका क्षेत्रमा रहेका नेपालीहरुलाई लिन नेपाल एयरलाइन्सको चार्टर जहाज जेद्दा पुगेको थियो ।

यता, आजै कोरोनाको कारण नेपाल फर्कन नपाएका श्रमिकहरू मध्ये १५४ जना नेपाली श्रमिकहरू लिएर साउदी अरबको दम्माम बाट हिमालय एयरले दोस्रो उडान गरेको छ ।

दूतावासका अनुसार तत्काल २५ सय भन्दा बढि नेपालीलाई स्वदेश फर्काउनु पर्ने अवस्था छ । रियादस्थित नेपाली दूताबास र जेद्दास्थित महावाणिज्य दूतावासबाट १० हजारभन्दा बढीले स्वदेश फर्कन पाऊ भन्दै फारम भरेका थिए । यसअघि साउदीबाट ३ वटा उडानमार्फत ४ सय नेपालीहरु स्वदेश फर्किसकेका छन्।

प्रतिकृया दिनुहोस्